Бардык жаңылыктар

Алманбет Шыкмаматов, ЖКнын депутаты: “Экономикага жооп бере турган өкмөттүн командасы чабал”

-Алманбет мырза, жарандык коом уюштурган митингге жана коомчулуктун көңүл борборундагы бажыдагы коррупцияга президент реакция кылышы керекпи?

-Президент Коопсуздук кеңешинин төрагасы жана коррупция менен күрөшүүнүн башында турган адам катары албетте реакция кылышы керек. Эгерде такыр эле реакция болбой же жарым-жартылай реакция болсо, анда эл “мамлекеттик бийлик коррупцияга белчесинен батыптыр” деген бүтүмдү чыгарып коёт. Ошон үчүн реакция кылып, аталган маселенин чын бышыгын аныкташы керек.

– Мына ушундай жагдайлардан улам экономикабыз жогорулабай, жылдан жылга төмөндөп жатабы?

– Ошондой десек да болот. Ошол эле учурда экономикага жооп бере турган өкмөттүн командасы чабал. Өкмөттүн кадр саясаты өтө начар. Өкмөттө экономиканы көтөрө турган түшүнүктүү реалдуу программасы, позициясы, концепциясы жок экенин да эске алышыбыз керек. Ошондой эле экономиканын начарлашынын бирден-бир себеби – инвесторлордун Кыргызстандан качышы десек туура болот.

– Инвесторлорго Кыргызстанда жагымдуу шарт жокпу же мыйзам баарына бирдей иштебейби?

– Инвесторлор Кыргызстандан криминал күчөгөн үчүн, мыйзамдар иштебеген үчүн качышып жатат. Ошондой эле Кыргызстанда күч органдарынын баары ири инвесторлордон коркутуп, үркүтүп акча алышканы үчүн Кыргызстанга акчаларын салгылары келбей калды. Анткени, ири инвесторлор күчтүү жана туруктуу мамлекеттерге жана адилеттүү соттор бар өлкөлөр баргысы келет. Тилекке каршы, бизде болсо инвесторлордун иштешине бирдей шарт түзгөн жагдайлар жок. Ошон үчүн Кыргызстанда жумушсуздук көбөйүп, экономика жылдан жылга начарлап жатат.

– Сиз санап өткөн жагдайдын баарын жолго салыш үчүн темирдей тартип керекпи же мыйзам иштеши керекпи?

– Бир эле эреже бар адамзатта. Ошол эрежени сактап, коомдо бийликтин мыйзамы эмес, мыйзамдын бийлиги үстөмдүк кылып, мыйзам кынтыксыз иштетиш керек. А бизде болсо баары тескерисинче. Мыйзам эмес, кайсы бир саясий топтордун үстөмдүгү болуп калып жатат. Алар мыйзамды төө басты кылып жатышат.

Булак: «Майдан»

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Декабрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
3031 



Видео // 17:19
ВИДЕО - Темир Сариев учурда өлкөдө болуп жаткан ар-кыл көйгөйлөр тууралуу катуу айтты
Видео // 16:58
Өмүрбек Текебаев, экс-депутат: “Мен интервьюларымда Атамбаевди көп эстептирмин, демек, китепте ал жөнүндө сөз болот…”
Видео // 15:53
Депутат Дастан Бекешев получил квартиры обманывая государство - Общество слепых и глухих КР
Видео // 16:29
Төрага Дастан Жумабеков Министрге кайрылып: “Биз жүгөрү кайтарып олтурган жокпуз. Кулагыбызга кесме илгенди токтоткула”
Видео // 12:57
ВИДЕО - Ириген Ирина Карамушкина президентке импичмент маселесин көтөрөм деп, кесиптештеринен муш жеди...