Бардык жаңылыктар

УКМКдан жоголгон 200 миң долларга депутат Канат Исаевдин кандай тиешеси бар?

УКМКнын тергөөчүсүнүн сейфинен 200 миң доллар уурдалганы белгилүү болду. Бул акча Башкы прокуратуранын башкармалыгынын жетекчиси Улан Чалбаев пара менен колго түшкөндө алынган акча экени айтылууда.

Айрым маалымат каражаттары бул ишке депутат Канат Исаевдин күйөө баласы Бакай Ишенгулов шектелип жатканын жаза башташты. Ишенгулов акча уурдалганга чейин УКМКнын Бишкек шаары боюнча Башкы башкармалыгында иштегени дайын.

ММКларда жарыяланган маалыматтарды топтосок, депутаттын күйөө баласы тергөө башчысынын кабинетинен акчаны алып чыккан, бул иш жекшемби күнү – УКМКнын башкы имаратында кызматкерлер жок учурда болгон.

Анткен менен имараттын ичине да сыртына да коюлган видеокамералар тууралуу сөз болгон эмес. Ишенгулов кылган иш болсо видеокөзөмөлгө түшүшү керек эле, бирок тийиштүү кызматтар видео тууралуу эч нерсе дешкен эмес.

Анткен менен депутаттын күйөөбаласы акча уурдалгандан кийин эле “Лексус 570” автоунаасына ээ болуп калганы да айтылып жатат. Кийинчерээк Канат Исаев да УКМК тарапка барганы, аны көргөндөр болгону белгиленген. Депутаттын коопсуздук кызматына болгон сапарын күйөө баласы катышкан ишти жайгарып, акчаны кайтарып берүү аракетин көрүү катары сыпатташты. Акча уурдалгандан кийин Ишенгулов иштен арызын жазып кетип калган.

Маалымат каражаттары Канат Исаевдин кызы, Бакай Ишенгуловдун жубайы Бермет Исаева менен байланышкан. Бирок ал мындай маалыматты укпаганын айтып, пикир билдирүүдөн караманча баш тарткан. Уу-дуу болгонуна карабай бул маалыматты УКМК төгүнгө чыгарып же тастыктай элек. Канат Исаев тарап да тынч.

Мыйзам боюнча пара менен кармалган тараптан алынган акча тергөөчүдө сакталбайт, ал сотко далил буюм катары өткөрүлөт. Ал эми жогоруда кеп болуп жаткан 200 миң доллар өткөрүлгөн эмес.

Улан Чалбаев өткөн жылдын 16-апрелинде кармалган. Ошол убакта Чалбаев мурдагы депутат Карганбек Самаковдун жаза мөөнөтүн азайтуу үчүн аракет кылууга 500 миң доллар сураганы айтылган.

Булак: «Майдан»

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Декабрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
3031 



Видео // 17:19
ВИДЕО - Темир Сариев учурда өлкөдө болуп жаткан ар-кыл көйгөйлөр тууралуу катуу айтты
Видео // 16:58
Өмүрбек Текебаев, экс-депутат: “Мен интервьюларымда Атамбаевди көп эстептирмин, демек, китепте ал жөнүндө сөз болот…”
Видео // 15:53
Депутат Дастан Бекешев получил квартиры обманывая государство - Общество слепых и глухих КР
Видео // 16:29
Төрага Дастан Жумабеков Министрге кайрылып: “Биз жүгөрү кайтарып олтурган жокпуз. Кулагыбызга кесме илгенди токтоткула”
Видео // 12:57
ВИДЕО - Ириген Ирина Карамушкина президентке импичмент маселесин көтөрөм деп, кесиптештеринен муш жеди...