Бардык жаңылыктар

Вице-премьер-министр Алтынай Өмүрбекова Эмгек жана социалдык өнүктүрүү министрлигинин бир катар ыйгарым укуктарын жергиликтүү өз алдынча башкаруу органдарына өткөрүп берүү маселеси боюнча жыйын өткөрдү

Кыргыз Республикасынын вице-премьер-министри Алтынай Өмүрбекова Кыргыз Республикасынын Эмгек жана социалдык өнүктүрүү министрлигинин бир катар ыйгарым укуктарын жергиликтүү өз алдынча башкаруу органдарына өткөрүп берүү маселеси боюнча жыйын өткөрдү.  

Белгилүү болгондой, буга чейин Кыргыз Республикасынын Өкмөтүнүн кабыл алган токтомуна ылайык, оор жагдайда жашаган үй бүлөлөрдү жана балдарды аныктоо, балдардын муктаждыктарына баа берүү, аларды социалдык жактан колдоо боюнча ыйгарым укуктар жергиликтүү өз алдынча башкаруу органдарына өткөрүлүп берилет.

Ар бир балага кызмат көрсөтүүдө муктаждыкка берилген баанын негизинде,  оор жагдайдагы балдарды аныктоо учурунда маалыматтар базага киргизилет. Тийиштүү мамлекеттик органдардын кызматкерлери көрө тургандай белги дароо пайда болот, андан кийин ыкчам чаралар кабыл алынат.

Жыйында учурда 450 социалдык кызматкер менен келишим түзүүгө кол коюу баскычына келгени айтылды.

Алтынай Өмүрбекова бул механизм тийиштүү органдарга жакшы көмөкчү болоорун жана балдар көңүл буруусуз калбай турганын эске салды.

«Муну менен бирге бул кызматкерлердин жоопкерчилигин жогорулатат. Кеп балдардын тагдыры тууралуу болуп жаткандыгын эске алуу менен кабыл алынган чечимди ишке ашыруу боюнча иштерди активдештирүү зарыл. Жергиликтүү бийлик органдары Эмгек жана социалдык өнүктүрүү министрлигинин айрым ыйгарым укуктарын жергиликтүү өз алдынча башкаруу органдарына өткөрүп берүү маселесин ыкчам тартипте карап чыгып, тиешелүү келишимдерди түзүүгө тийиш. Социалдык кызматкерлер оор жашоо шартында калган балдарды аныктоо иштерин башташы үчүн бардык маселелерди тез арада чечүү керек», – деди ал.

Алтынай Өмүрбекова белгилегендей, бул өтө түйшүктүү иш жана Ички иштер министрлиги, Билим берүү жана илим министрлиги, Эмгек жана социалдык өнүктүрүү министрлиги жана башка тийиштүү органдар тарабынан биргелешкен аракеттерди талап кылат.

Ал тиешелүү мамлекеттик органдарда жашоо шарты оор ар бир бала тууралуу, кайда жашай тургандыгы, кандай жардам көрсөтүлгөндүгү жөнүндө маалымат болсо, анда мүмкүн болгон тобокелдиктердин алдын алууга жеңил болорун кошумчалады. 

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 



Видео // 10:58
Өлкөнү өнүктүрүүнүн орчундуу багыттарынын бири санариптештирүү
Видео // 10:56
Кышка камылга башталды
Видео // 10:54
Батукаевди бошотуу операциясы
Видео // 10:53
Мамлекет ишкерликти өлкө экономикасынын өзөгү катары карап жатат
Видео // 11:52
Темир Сариев: Экономика багытында биздин ылдамдыгыбыз начар болуп жатат!