Бардык жаңылыктар

Ак үй Усама бен Ладендин уулу өлтүрүлгөнүн тастыктады

“Аль-Каида” террордук уюмунун негиздөөчүсү Усама бен Ладендин уулу Хамза бен Ладен Кошмо Штаттардын атайын операциясы учурунда өлтүрүлдү. Муну менен Ак үй мурда ММКларда чыккан маалыматты тастыктады.
Маалыматка ылайык, террорчул уюмдун жетекчилеринин бири болгон Хамза бен Ладен Ооганстан менен Пакистан чектешкен аймакта жок кылынган.
Президент Дональд Трамптын атынан жарыяланган билдирүүдө операция качан жүргүзүлгөнү айтылган эмес.
Маалыматта бен Ладендин уулунун өлүмү «Аль-Каида» уюмунун күч-кубатын алсыратып, башка террордук топтор менен байланышы начарлай турганы белгиленген.
Буга чейин АКШ басылмалары Хамза бен Ладен өлтүрүлгөнүн август айында өз булактарына таянып жазып чыккан болчу.
Мамлекеттик департамент жашы 30дан өтүп калган Хамза бен Ладенди «Аль-Каида» террорчул уюмунун «мураскорлорунун бири» катары атаган. АКШ ал жөнүндө маалымат берген адам үчүн миллион доллар акчалай байге убада кылган.
Хамза бен Ладен буга чейин АКШга кол салуу чакырыгы менен интернетке аудио жана видео кайрылууларды чыгарып келген.
АКШ Усама бен Ладенди үч миңдей кишинин өмүрүн алган 2001-жылдын 11-сентябрындагы теракттын башкы уюштуруучусу катары эсептейт. Ал 2011-жылы атайын операция учурунда Пакистандын аймагында жок кылынган.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 



Видео // 10:58
Өлкөнү өнүктүрүүнүн орчундуу багыттарынын бири санариптештирүү
Видео // 10:56
Кышка камылга башталды
Видео // 10:54
Батукаевди бошотуу операциясы
Видео // 10:53
Мамлекет ишкерликти өлкө экономикасынын өзөгү катары карап жатат
Видео // 11:52
Темир Сариев: Экономика багытында биздин ылдамдыгыбыз начар болуп жатат!