Бардык жаңылыктар

Трамп талибдер менен тынчтык сүйлөшүүлөрүн токтотконун жарыялады

АКШ президенти Дональд Трамп Ооганстандагы «Талибан» кыймылынын лидерлери менен сүйлөшүүлөрдү токтотконун жарыялады. Вашингтон Ооганстандагы америкалык аскерлерди чыгаруу жөнүндө келишимге жетишүүгө аракет кылып, талибдер менен дээрлик бир жылдай сүйлөшүүлөрдү жүргүзгөн болчу.

Трамптын билдирүүсү ал 8-сентябрга пландалган талибдердин лидерлери жана Ооганстандын президенти Ашраф Гани менен жолугушуудан баш тарткандан кийин чыкты. Ак үй бул жолугушууда 18 жылдан бери Ооганстанда кызмат өтөп жаткан америкалык аскерлерди чыгарып кетүү боюнча келишимге жетишүүгө үмүттөнүп жаткан. Учурда ал жакта 14 миңдей америкалык аскер бар.

Талибдер Трамптын билдирүүсүнөн кийин дароо өз сайттарында эскертүү жасап, сүйлөшүүлөрдү токтотуу биринчи кезекте Кошмо Штаттарга зыян алып келерин билдирди. АКШнын Борбордук командачылыгынын башчысы, генерал Кеннет Маккензи Ооганстандагы аскер контингенти талибдердин террордук активдүүлүгүнө каршы ишмердүүлүгүн арттырарын билдирди. Ал соңку айларда кол салуулардын саны өсүп жатканын эске салды. Өткөн жумада Кабулда болгон чабуулдардын биринде америкалык аскер мерт болгон.

Сентябрдын башында жетишилген келишимдин долбоорунда Вашингтон жакынкы айларда аймактан беш миңдей аскерин алып чыгып кетүүгө милдеттенме алган. Ооганстан болсо аскердик базаны Кошмо Штаттар жана анын өнөктөштөрүнө террордук чабуул жасоочу жай катары колдонбоого кепилдик бермек.

Учурда Ооганстандагы аскер контингентинин тагдыры белгисиз бойдон калууда. Трамп ал жактагы аскерлердин санын 8600 кишиге чейин кыскартууну каалаганын айткан.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Сентябрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
30 



Видео // 12:28
Өлкө башчысы менен кыргыз тилинде учурашкан элчи
Видео // 13:02
Рейдерлик баскынчылык: КАРА-СУУ базары... (ИЛИКТӨӨ)
Видео // 14:17
ВИДЕО - Генерал Курсан Асанов тууралуу Ачуу-Чындык! Сөзсүз көрүңүз...
Видео // 13:38
Наркотикке берилген жылдыздар... Үрөй учурган ВИДЕО
Видео // 14:45
Сурамжылоодо "Ата Мекен" эң эффективдүү фракция деп табылды