Бардык жаңылыктар

БУУнун Коопсуздук Кенеши АКШнын канаттуу ракета сыноосун талкуулады

БУУнун Коопсуздук Кеңеши АКШ канаттуу ракетасын сынаганына байланыштуу Орусия жана Кытайдын демилгеси менен чукул жыйын өткөрдү. Нью-Йоркто өткөн чогулуш БУУнун сайтында түз эфирде көрсөтүлдү.

Орусия жана Кытай бийлигини пикиринде, Вашингтондун аракети эл аралык коопсуздукка коркунуч жаратат.

АКШнын БУУдагы туруктуу өкүлүнүн милдетин аткаруучу Жонатан Коэн жыйын учурунда Орусияны орто аралыкта учуучу ракеталарды чыгарууга жана келишим шарттарын бузууга айыптады. Ал Москваны 8-августта Северодвинск шаарында болгон жарылуу тууралуу түшүндүрмө берүүгө да чакырды. Коэн Кытайды болсо ракеталык дараметин жогорулатууга айыптады.

Орусиянын БУУдагы туруктуу өкүлүнүн милдетин аткаруучу Дмитрий Полянский өз кезегинде дүйнө АКШнын геосаясий дымагынан улам куралдануу боюнча жарышуу алдында турганын айтты. Полянскийдин пикиринде, ракеталык келишимди бузуу боюнча Вашингтондун Москванын дарегине айткан сын пикири орунсуз.

Кытайдын БУУдагы туруктуу өкүлү Лю Цзеи куралдануу боюнча жарышууну ооздуктоо үчүн келишим маанилүү экенин билдирди. Ал АКШ менен Орусияны сүйлөшүүгө чакырып, Вашингтондун келишимден чыгып кетишинин терс кесепеттерин белгиледи.

19-августта АКШнын Коргоо министрлиги жерден атылган жаңы канаттуу ракетасын сынаганын жарыялады. Пентагон белгилегендей, бул жаңы куралды сыноого Кошмо Штаттар менен Орусиянын ортосундагы Орто аралыктагы өзөктүк күчтөр тууралуу келишим жокко чыгарылгандан кийин мүмкүн болду. Ага чейин бул ракеталардын учуу аралыгы аталган келишимдин шарттарына каршы келчү. Калифорниядагы Сан-Николас аралында коё берилген ракета 500 чакырым учуп, бутага таамай тийген.

Буга чейин АКШ Советтер Союзу менен 1987-жылы кол коюлган Орто аралыктагы өзөктүк күчтөр тууралуу келишимден улам 500 чакырымдан 5 500 чакырымга чейин уча турган ракеталарды иштеп чыга албай келген. Вашингтон аталган келишимден быйыл 2-августта чыгып, бул чечимин Орусия көптөгөн жылдардан бери эки тараптуу макулдашуунун шарттарын бузуп келгендиги менен түшүндүргөн.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Сентябрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
30 



Видео // 12:28
Өлкө башчысы менен кыргыз тилинде учурашкан элчи
Видео // 13:02
Рейдерлик баскынчылык: КАРА-СУУ базары... (ИЛИКТӨӨ)
Видео // 14:17
ВИДЕО - Генерал Курсан Асанов тууралуу Ачуу-Чындык! Сөзсүз көрүңүз...
Видео // 13:38
Наркотикке берилген жылдыздар... Үрөй учурган ВИДЕО
Видео // 14:45
Сурамжылоодо "Ата Мекен" эң эффективдүү фракция деп табылды