Бардык жаңылыктар

Өзбекстанда Гүлнара Каримовага каршы жаңы кылмыш иштери козголду

Өзбекстандын Башкы прокуратурасы «өлкөнүн кызыкчылыгына туура келбеген келишим түзгөн», мамлекеттик каражатты уурдаган» жана «башка бирөөнүн мүлкүн опузалап тартып алган» деген айыптар менен Гүлнара Каримовага каршы жаңы кылмыш иштерин козгоду.

Мекемеден билдиришкендей, кылмыш иши эл аралык юридикалык компаниялардан келген маалыматтардын жана жарандардын кайрылууларынын негизинде козголду.

Маалыматка караганда, маркум президенттин кызы «Кувасайцемент» жана «Бекабадцемент» деген эки мамлекеттик компаниянын акцияларын арзан баада сатып алып, кайра чет элдиктерге саткан. Мындан тышкары ал коркутуу жолу менен бир нече жаранды мүлктөрүн өзүнө таандык компанияларга сатууга мажбурлаган.

Буга чейин Гүлнара Каримовага каршы «Коррупция» жана «Акчанын изин жашыруу» беренелери менен Өзбекстанда, АКШда жана бир катар Европа өлкөлөрүндө кылмыш иштери козголгон. Тергөөнүн маалыматына караганда, ал кезинде Өзбекстанда мобилдик байланыш кызматын көрсөтүүнү каалаган чет өлкөлүк телекоммуникациялык компаниялардан 1 миллиард долларга жакын пара алган.

2017-жылы Гүлнара Каримова Өзбекстанда «Салык төлөөдөн качуу», «Акча уурдоо», «Опузалап акча талап кылуу» жана «Офшор компаниялардын документтерин жок кылуу» беренелери боюнча күнөөлүү деп табылып, он жылга соттолгон

Быйыл мартта ал үй камагынын шарттарын «одоно бузган» деп айыпталып, Ташкент облусунун Зангиата районундагы №21 аялдар абагына жеткирилген.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Сентябрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
30 



Видео // 12:28
Өлкө башчысы менен кыргыз тилинде учурашкан элчи
Видео // 13:02
Рейдерлик баскынчылык: КАРА-СУУ базары... (ИЛИКТӨӨ)
Видео // 14:17
ВИДЕО - Генерал Курсан Асанов тууралуу Ачуу-Чындык! Сөзсүз көрүңүз...
Видео // 13:38
Наркотикке берилген жылдыздар... Үрөй учурган ВИДЕО
Видео // 14:45
Сурамжылоодо "Ата Мекен" эң эффективдүү фракция деп табылды