Бардык жаңылыктар

ИИМдин Тергөө кызматы Атамбаевди үчүнчү жолу суракка чакырды

Ички иштер министрлигинин Тергөө кызматы мурдагы президент Алмазбек Атамбаевге дагы бир чакыруу жиберди. Бул тууралуу мурдагы президенттин тарапташтары билдиришти. Ушуну менен Атамбаев үчүнчү жолу суракка чакырылып жатат.

Маалыматка караганда, чакырууну милиция кызматкерлери 18-июлда Атамбаевдин Кой-Таштагы үйүнө жеткирип берген. Анда Атамбаев күбө катары 19-июлда эртең менен Тергөө кызматына барышы керек экени жазылган.

Биринчи чакыруу 8-июлда берилип, ал кезде Атамбаев Кой-Таштагы үйүнүн алдында чогулуп турган тарапкерлери менен жолугушууга чыккан учурда суракка барбай турганын айткан. Экинчиси 10-июлда берилген. Анда да мурдагы мамлекет башчы ИИМге суракка барган эмес. Атамбаевдин юридикалык өкүлү Сергей Слесарев “Атамбаевди экс-президент деген макамдан ажыратуу боюнча парламенттин чечими мыйзамсыз экенин, ошол себептүү суракка барбай жатканын” белгилеп ИИМге кат жөнөткөн.

ИИМдин Тергөө кызматы кримтөбөл Азиз Батукаевдин мөөнөтүнөн мурда түрмөдөн бошотулушуна байланыштуу быйыл жыл башында жанданган кылмыш ишин иликтеп жатат. Ага чейин, 25-июнда башкы прокурор Өткүрбек Жамшитов парламентте мурдагы вице-премьер-министр Шамил Атахановдун көрсөтмөсүнө таянып Алмазбек Атамбаев 2013-жылы кримтөбөл Азиз Батукаевди бошотуу боюнча жеке өзү тапшырма бергенин билдирген.

27-июнда Жогорку Кеңеш Атамбаевди экс-президенттик жана кол тийбестик макамынан ажыраткан.

Мурдагы президент жана анын тарапкерлери муну ага көө жабуу аракети катары сыпатташкан. Анын ондогон тарапкерлери 22-июндан бери Кой-Таш айылындагы үйүндө топтолуп турушат. 

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Август 2019    »
ПнВтСрЧтПтСбВс
 1234
567891011
12131415161718
19202122232425
262728293031 



Видео // 10:00
Адахан Мадумаров: Кыргыз жарандарын ойлобогон түркөйлөрдүн барынан жогу!
Видео // 14:45
Сурамжылоодо "Ата Мекен" эң эффективдүү фракция деп табылды
Видео // 13:41
Жеңиш Молдокматов өлкөдөгү коррупциянын бетин ачып, Равшан Жээнбековду КАТУУ КАКТЫ
Видео // 16:41
ВИДЕО - Мамлекеттин келечегине ким жооптуу? Сариев менен Мадумаров учурдагы саясий абалды талкуулады
Видео // 16:08
Талас облусунун тургундары Атамбаевге кайрылып жатып, "айныбай тынч отур" дешти... ВИДЕО