Бардык жаңылыктар

Арнольд Шварценеггердин чыгармачылык жана саясий карьерасы

“Бала чагында жокчулуктун азабын көп тарткан…”

Арнольд Шварценеггер 1947-жылы 30-июлда Австриянын Таль кыштагында жарык дүйнөгө келген. Атасы Густав жергиликтүү полиция кызматынын башчысы болсо, апасы үй кожойкеси болгон.

Арнольд менен анын жалгыз агасы Мейнхард бала чагында атасынын катуу тарбиясынын алдында чоцоюшат. Турмуш-шарттын азабынан Арнольд кичинесинде өтө арык бала болгон дешет. Бир топ басма сөз беттерине берген маектеринде ал кичинесинде эси ооп кеп жыгылчумун, ачкачылыктын заарын көп тартканбыз деп айтып келет. “Анда биздин үйдө сыналгы, радио, телефон, ванна дегендерден эч нерсе жок эле. Эптеп нан таап жегенибизге ыраазы болчубуз”- дейт Арнольд. Актёр өзү жашаган кыштактагы Ганс Гросс мектебинде, андан кийин Грац шаарындагы Фробель орто мектебинде билим алат. Бир тууганы Мейнхарддан айырмаланып, Арнольд өтө эле шайыр жана элпек бала болгон. Атасы ар кандай музыкалык аспаптарда кол ойноткондуктан баласынын музыкант болуусун каалап, өз чеберчилигин үйрөтүүгө аракет жасайт. Бирок Арнольд музыкага таптакыр кызыкчу эмес.

“Ал спорттун чыныгы күйөрманы жана чебери…”

Шварценеггер 15 жашынан баштап булчундарды машыктыруучу спорт менен алектене баштаган. 20 жашында “Mr. Universe» наамына татыган жана “Мистер Олимпия” культуристтер сынагынын жеңүүчүсү болгон. Актер азыркыга чейин культуристтер чөйрөсүнүн эң көрүнүктүү спортчусу болуп эсептелет, ошондой эле ал бул спорт жөнүндө бир канча макала жана китептерди жазган. Ал Голливуддун тез аракеттүү тасмаларынын жылдызы болуп, дүйнөлүк атактуулукка жеткен. Актер 1982-жылы “Конан-Варвар” аталышындагы популярдуу кылыч жана сыйкырчылык эпикалык тасмада тарылып атактуулукка жеткен, кийин бул тасманын уландысы да тартылган.

“Терминатор” аны дүйнөнүн түгөл тарабына тааныткан…

1984-жылы Шварценеггер Жеймс Камерондун финансылык жактан ийгиликтүү жана кино сынчылар тарабынан жогору бааланган “Терминатор” аталышындагы илимий фантастикалык жанрдагы тасмасында роль аткарган. Ал “Терминатор 2 – акыр заман”, “Терминатор 3 – машиналардын көтөрүлүшү” жана “Терминатор – Генезис” тасмаларында роль жараткан. Аталган тасманын күйөрмандары кинонун кийинки бөлүктөрүн чыдамсыздык менен күтүп турушчу. Ал мындан сырткары тартылган эң ийгиликтүү тасмалар: “Коммандо”, “Чуркоочу адам”, “Жырткыч”, “Эгиздер”, “Чындыкка чакырык”, “Бала бакча полициясы” жана “Чындыкка окшош жалган” тасмалары болгон.

“Саясатта да аны терминатор катары сыпатташчу…”

Саясий чөйрөдө анын “терминатор” деген каймана аты болгон. Шварценеггер 2003-жылдын 7-октябрында атайын чакыруунун шайлоосуна биринчи жолу Калифорния штатынын акимдигине шайланып, мурдагы аким Грейс Дэвистин ордуна келген. Кийин Калифорния штатынын акиминин шайлоосунда, 2006-жылдын 7-ноябрында Шварценеггер Калифорния штатынын казыначысы демократ Фил Анжелидисти жеңип, толук акимдик мөөнөтүнө шайланган. 2007-жылдын 5-январында расмий түрдө экинчи мөөнөтүн баштаган.

2011 -жылы актер экинчи мөөнөтүн аяктап, чыгармачылык ишине кайрадан кайтып келген. Актер адамдардагы туруктуулукту жогору баалайт. Бир курдай Калифорния штатына тасма тартууга барганда аны мейманканага белгилүү бир себептер менен киргизбей коюшканда өзүнүн эстелигинин алдына барып жатып алган. Ал бул кылганы менен адамдар бийликте турган учурда ага башкача мамиле кылышып, бийликтен түшөөрү менен өзгөргөндүктөрүн далилдегенге аракеттенген. Анын күйөрмандары бул окуяны өтө кабыл алышкан.

Булак: «Фабула»

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Сентябрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
30 



Видео // 12:28
Өлкө башчысы менен кыргыз тилинде учурашкан элчи
Видео // 13:02
Рейдерлик баскынчылык: КАРА-СУУ базары... (ИЛИКТӨӨ)
Видео // 14:17
ВИДЕО - Генерал Курсан Асанов тууралуу Ачуу-Чындык! Сөзсүз көрүңүз...
Видео // 13:38
Наркотикке берилген жылдыздар... Үрөй учурган ВИДЕО
Видео // 14:45
Сурамжылоодо "Ата Мекен" эң эффективдүү фракция деп табылды